नवौं लिगलिगे दौडको तयारी तीव्र, असोज २८ मा राजा छानिने

मनोज पराजुली / गोरखा ,असोज ३। गोरखाको ऐतिहासिक लिगलिगे राजा छान्ने दौड प्रतियोगिता यस वर्ष असोज २८ गते हुने भएको छ। गोरखाको इतिहास जगेर्ना गर्न बि स. २०६७ सालदेखि हरेक वर्ष बिजयादशमीको अवसर पारेर लिगलिगकोट विकास अभियान दौड प्रतियोगिता गर्दै आएको छ।

दौड प्रतियोगितामा सहभागीहरुले चेपे र मस्र्याङ्दीको दोभानबाट सुरु गरेर १३.८ किलोमिटर दूरी दौडेर लिगलिग कोटसम्म पुग्नुपर्नेछ । दौडमा जो पहिले लिगलिगकोटसम्म पुग्छ उसलाई नै लिगलिगे राजा घोषणा गरिंदै आएको छ। नवौं लिगलिगे दौड प्रतियोगिता संचालनको लागि आवश्यक तयारी तीव्र पारिएको लिगलिगकोट विकास अभियानका अध्यक्ष पूर्णबहादुर रानाले जानकारी दिए ।

राजालाई श्रीपेचको साथमा साठी हजार एक सय रुपैयाँ

दौडमा पहिलो हुनेलाई राजा घोषणा गर्दै श्रीपेचको साथमा साठी हजार एक सय रुपैयाँ पगरी,मेडल र ट्रफी प्रदान गरिने रानाले जानकारी दिए। प्रतियोगितामा दोस्रो हुनेलाई नगद ३५ हजार एक सय, तेस्रो हुनेलाई २५ हजार एक सयका साथ मेडल,ट्रफी र प्रमाणपत्र दिइनेछ। चौथोलाई १२ हजार एक सय, पाचौं हुनेलाई ७ हजार एक सय, छैटौंलाई ५ हजार एक सय, सातौँ हुनेलाई ४ हजार एक सय, र आठौंलाई ३ हजार एक सय र नवौं २ हजार १ सय रुपैयाँ नगद पुरस्कारको साथमा मेडल, प्रमाण पत्र दिएर पुरष्कृत गरिने  आयोजक समितिका अध्यक्ष पूर्णबहादुर रानाले जानकारी दिए ।

महिलाहरुको लागि वडडांडादेखि लिगलिगकोटसम्म ५ किलोमिटर खुला दौड प्रतियोगिता हुनेछ । प्रतियोगितामा प्रथम हुनेले २० हजार, दोश्रो हुनेले १२ हजार ५, तेश्रो हुनेले ७ हजार ५ रुपैयाँ नगद पुरस्कारको साथमा मेडल, प्रमाण पत्र र ट्रफी पाउँनेछ।

लिगलिग बासीहरुको लागि चेपेघाटबाट नै शुरु हुनेगरी प्रतियोगिता राखिएको छ । जसमा प्रथम हुनेलाई २० हजार ५, दोश्रो हुनेलाई १२ हजार ५, तेश्रो हुनेलाई ७ हजार ५ र  चौथोलाई ३ हजार ५ नगद सहित प्रमाणपत्र मेडल प्रदान गरिने रानाले जानकारी दिए । त्यस्तैगरि यस पटकदेखि आयोजकले बोहोरागाउँ देखि लिगलिगकोटसम्म १५ देखि १८ वर्षसम्मका छात्रा छात्राहरुको लागि पनि दौड प्रतियोगिता राखेको छ । सो दौडमा प्रथम हुनेलाई ५ हजार १ सय, दोश्रो हुनेलाई ३ हजार १ सय र तेश्रो हुनेलाई २ हजार १ सय नगदका साथ प्रमाणपत्र, मेडल र ट्रफी प्रदान गरिने रानाले जानकारी दिए । 

दौडमा सहभागी हुनको लागि बिदेशीले पाँच हजार, नेपाली नागरिकले एक हजार, लिगलिगबासी तथा महिलाको लागि पाँच सय रुपैयाँ र छात्र छात्रा (स्थानीय)ले निशुल्क नाम दर्ता गराउन सकिनेछ । नाम दर्ताको लागि अशोज १० गतेदेखि २५ गतेसम्मको लागि तोकिएको छ। दौड प्रतियोगिता अशोज २८ गते विहान ८ बजे चेपेघाटबाट शुरु हुनेछ । 

लिगलिगकोट र आसपासको क्षेत्रको संरक्षण र प्रर्वद्धनका लागि लोपहुने अवस्थामा पुगेको लिगलिगे दौड पुन सुरु गरिएको बिकास अभियानका अध्यक्ष रानाले बताए। दौडका लागि आवश्यक पर्ने खर्चको लागि पर्यटन बोर्ड, पालुङ्टार नगरपालिका र अन्य खर्च बिभिन्न संघ संस्था, सहयोगीबाट संकलन गरिने अध्यक्ष रानाले जानकारी दिए ।

लिगलिगकोट चिनारी 

लिगलिगकोट गोरखा जिल्लाको साविकको आँपपिपल गाविस वडा नम्बर ४ हालको पालुङटार नगरपालिका वडा नम्बर २ खोल्लीमा पर्दछ । ऐतिहासिक तथा पर्यटकीय महत्वको स्थान हो। लिगलिगकोट समुन्द्री सतहबाट करिब १,४३७ मिटर अर्थात ४,७९० फिट उचाईमा अवस्थित छ । गोरखा जिल्लाका ३९ वटाकोटहरुमध्ये लिगलिगकोट एक हो ।  लिगलिगकोट नेपाल एकिकरणको सुरूवातकर्ता मानिएका द्रव्य शाहको दरवार रहेको स्थान पनि हो । यहाँ आजभन्दा ४६० वर्ष पहिले बि.स.१६१५ सम्म दौड जित्ने मानिस एक बर्षको लागि राजा बन्ने परम्पराको रहेको थियो । बि सं १९१६ सालमा द्रब्यशाह राजा बनेपछि दौड प्रतियोगिता हुन छाडेको थियो । शाह वंशको अन्त्य पश्च्यात ४ सय ५२ वर्ष पछि २०६७ सालदेखि पुन: दौड प्रतियोगिता संचालन गर्न थालिएको हो । 

प्रतिकृया दिनुहोस

निर्वाचन क्षेत्र निर्धारण आयोगले थाल्यो काम

सरकारले सात दिनअघि गठन गरेको निर्वाचन क्षेत्र निर्धारण आयोगले बुधबारदेखि औपचारिक रूपमा आफ्नो काम सुरु गरेको छ ।  काम थालेको मितिले २१ दिनभित्र

जिल्ला समन्वय समिति गोरखा कांग्रेसको कब्जामा

साउन १७  गोरखा । जिल्ला समन्वय समिति गोरखाको संयोजकमा नेपाली कांग्रेसका सिरानचोक गाउँपालिका १ केराबारीबाट सदस्यमा निर्वाचित अशोक गुरुङ निर्विरोध

नगरपालिकाले घर बहाल कर उठाउन नसक्दा लाखौंको राजश्व गुम्यो

गाेरखा –जिल्ला सदरमुकाममा घर भाडामा लगाएकाहरुबाट नगरपालिकाले बाहलकर लिन सकेको छैन् । घरभाडा लगाएर लाखौ आम्दानी गरिरहेका घरधनीले नगरपालिकालाई